ADRIANA SPIROLLARI
Ka mbaruar shkollën e mesme pedagogjike e më pas ka punuar si mësuese e ciklit të ulët për 30 vjet. Ka disa vite që punon në shkollën “Mihal Ekonomi”.
Gjatë gjithë karierës së saj ka punuar me pasion e përkushtim. Durimi dhe këmbëngulja në punë i kanë dhënë gjithmonë rezultate dhe kënaqësi. Arma e saj më e fortë është komunikimi me fëmijet dhe prindërit. Gjatë orës së mësimit përdor metoda të larmishme për ta bërë më të kuptueshme lëndën e re. Përpiqet të hartojë objektiva sipas niveleve dhe të punojë me grupe.
Mjetet didaktike janë pjesë e pandarë e procesit mësimor. Komunikon dendur me prindërit për gjithshka që zhvillohet në klasë, për veçoritë individuale të secilit në mësimnxënie, temperamentin e tyre e gjithshka që lidhet me ta. Aktivitetet, që organizohen në raste festash, shpallin të gjithë botën fëminore me te gjitha ngjyrat që nga intelekti e deri tek dhuntitë e liritë e emocioneve të gëzimit.
Mesuesja Adriana Spirollari studjon vazhdimisht literaturën e duhur për të përdorur sa më shumë metoda bashkëkohore. Gjatë karierës së gjatë si mësuese është vlerësuar me diploma të ndryshme e në vitin 2003 është shpallur “Mësuesja me e mirë e vitit”, për Ciklin e Ulët.